მთავარი
ჩვენს შესახებ
რჩეული
გალერეა
სტატიების RSS
 
ლელო
2010-06-30
ერთი ინტერვიუს კვალდაკვალ: ნოზაძე ყაზახებს ტყუილისთვის უჩივის
ყაზახეთი პოსტსაბჭოურ ქვეყნებში ერთადერთია, რომელიც მსოფლიო ეკონომიკური კრიზისიდან ნაკლები დანაკარგით გამოძვრა და ეკონომიკის სტაბილური განვითარება შეინარჩუნა. კრიზისამდე კი ამ აზიური ქვეყნის მმართველებმა საოცრება მოახერხეს - 3 წლის განმავლობაში, ბიუჯეტს ზედმეტი მილიარდი დოლარით ავსებდნენ!
რა გასაკვირია, რომ ამ ქვეყნის საფეხბურთო მეურნეობა განვითარდა. ოდესღაც საბჭოური ფეხბურთის მაჩანჩალათა პროგრესი თვალშისაცემია და საკმაოდ დიდი ამბიცია გაუჩნდათ. თუმცა მადაც არის და მადაც - ყაზახების ბოლოდროინდელი ამბიცია და თვითრეკლამის სურვილი დაუკრეფავში გადადის. ამის ნათელი მაგალითი ყარაღანდის "შახტიორის" ყოფილ ფეხბურთელ ლაშა ნოზაძესთან დაკავშირებული სკანდალური ინტერვიუ აღმოჩნდა.
ყაზახურმა ინტერნეტგამოცემა "გაზეტას" სპორტულმა დამატებამ გამოაქვეყნა ნოზაძის ინტერვიუ, რომელშიც ის თითქოს ამტკიცებდა - ჩემპიონთა ლიგის მეორე საკვალიფიკაციო ეტაპზე "აქტობე" საქართველოს ჩემპიონ რუსთავის "ოლიმპს" იოლად მოუგებსო. აი, ფრაგმენტი ამ ინტერვიუდან:
"მართალია, კარგა ხანია "აქტობეს" თამაში არ მინახავს, მაგრამ ვიცი, რომ მათი მთავარი მწვრთნელი კვლავ ვლადიმირ მუხანოვია და სამატ სმაკოვიც ძველებურად თამაშობს. ეს სავსებით საკმარისია, რათა წყვილში ფავორიტად თქვენი ჩემპიონი მივიჩნიოთ. დამიჯერეთ, საკუთარ თავზე მაქვს გამოცდილი "აქტობეს" ფეხბურთი და მიმაჩნია, რომ "ოლიმპს" ნაკუწებად აქცევს, როგორც ეს სამი წლის წინ "ასტანამ" გააკეთა. ყაზახეთის საკლუბო ფეხბურთი უფრო მაღლა დგას, ვიდრე საქართველოსი... ვერ ვიტყვი, რომ "ოლიმპი" ძალიან სუსტია, ბოლოს და ბოლოს, ქვეყნის ჩემპიონია. მაგრამ მე ვიცი "აქტობეს", მისი მწვრთნელის და ფეხბურთელების შესაძლებლობები".
ნოზაძის ამ ინტერვიუმ რუსთაველების და თავად ფეხბურთელის აღშფოთებაც გამოიწვია. მართალი აღმოჩნდა ვარაუდი, რომ ლაშა ნოზაძეს მსგავსი განცხადებები არ გაუკეთებია და ყაზახურმა ინერნეტგაზეთმა ეს "ინტერვიუ" თავად შეთხზა. ორიოდე დღის წინ ჩვენ შემოგთავაზეთ ნოზაძის მცირე კომენტარი, რომელშიც ის მავან ჟურნალისტთან ინტერვიუს ჩაწერას უარყოფს. თუმცა 29 წლის ფეხბურთელი მხოლოდ ამას არ სჯერდება - ის აპირებს, უჩივლოს ყაზახურ გაზეთს:

- ყველაფერი იმ არარსებული ინტერვიუთი დაიწყო. რამდენიმე ახლობელმა დამირეკა, ლაშა ეს რა ინტერვიუ მიეციო. მერე თანაგუნდელებმაც მითხრეს და წავიკითხე ეს ვითომ ინტერვიუ: გავგიჟდი! არათუ არ მითქვამს ასეთი სისულელე, საერთოდ, არავინ დამკავშირებია და საიდან იქნებოდა ჩემი ინტერვიუ ყაზახურ გაზეთში?! იქ რომ ვთამაშობდი, მაშინ არ მიკავშირდებოდნენ და საქართველოში ხომ მით უფრო არავის დაურეკავს.
- აბა, საიდან მოიტანეს ეს ინტერვიუ?
- წარმოდგენა არ მაქვს და ამის გარკვევას ვაპირებ. მე უკვე დავადგინე გაზეთის კოორდინატები, დავუკავშირდები და პასუხს მოვთხოვ. ასე სადაა? - რაღაცას თხზავენ და მე მომაწერონ? ყაზახური ფეხბურთის "პიარი" თუ სურთ, მე ნუ გამხვევენ ამაში! როგორია, ყოველდღე მხვდება ნაცნობი თუ მეგობარი და მეუბნება - ლაშა შენგან ასეთ რამეს არ ველოდითო და რატომ ვიმართლო თავი, სხვის ტყუილზე?!
- ყაზახურ მედიას მსგავსი ტყუილები ახასიათებს?
- იქაურ გაზეთებს არ ვკითხულობდი და აბა როგორ გითხრათ? ნებისმიერ შემთხვევაში დავუკავშირდები მათ - ბოდიშის მოხდასა და ინტერვიუს უარყოფას მოვთხოვ. "ოლიმპში" ჩემი მეგობრები თამაშობენ, ეს მოგონილი ინტერვიუ ეწყინებოდათ და რატომ, რისი გულისთვის? ასეც რომ ვფიქრობდე, უცხოსთან ჩემიანზე ასე როგორ ვილაპარაკებდი?!
- კარგით, ახლა ის ვთქვათ, "აქტობე" რა გუნდია?
- კარგი გუნდია, ჩემპიონატში სულ პირველ-მეორე ადგილს იკავებს, ფული აქვთ და ლეგიონერებს იოლად ითანხმებენ, მაგრამ ვერ ვიტყვი, რომ ასეთი ძლიერი გუნდი ცხოვრებაში არ მინახავს და რომ "ოლიმპს" აუცილებლად დაამარცხებს. მაინც ყაზახეთის გუნდია, რა! ამ ფრაზამ გამაგიჟა - "ჩემს თავზე მაქვს გამოცდილი "აქტობეს" ფეხბურთი და მიმაჩნია, რომ "ოლიმპს" ნაკუწებად აქცევს, როგორც ეს სამი წლის წინ "ასტანამ" გააკეთა" - რა "აქტობეს" ძალა, რის საოცრება?! საკუთარ თავზე რაც გამოვცადე, ბევრი არაფერი იყო. რამდენჯერმე შევხვდით და ვერაფრით გვაჯობეს, ერთი მოვუგეთ და ერთი ფრედ დავასრულეთ. ეგეც "ბარსელონა" არ მყავდეს, რა. ისე, ყაზახებმა გაზვიადება იციან და ჰგონიათ, რომ საშუალო ევროპულ დონეს მიაღწიეს. სასაცილოა მათი ამბიცია.
- რეალურად რა დონის გუნდია?
- ნორმალური, მაგრამ ბრძოლა შეიძლება. გასულ სეზონში "ვერდერმა" ევროპის ლიგაში გაანადგურა, მგონი 6:3 მოუგო. ერთი ძალიან კარგი ფეხბურთელი ჰყავთ, კაპიტანი, ცენტრალური მცველი... გვარი დამავიწყდა...
- სამატ სმაკოვს გულისხმობ?
- დიახ, სმაკოვს. ძალიან კარგად ასრულებს ჯარიმებს და "ოლიმპი" საკუთარი საჯარიმოს მისადგომებთან უხეშობას უნდა უფრთხილდეს. ისე, რუსულ ფეხბურთს თამაშობენ - ათლეტურს, ძალისმიერს, ნაკლებად კომბინაციურს...


ავტორი:  მერაბ მამულაშვილი


კალენდარი
ივლისი  2010
ორშ   
სამ   
ოთხ   
ხუთ   
პარ   
შაბ   
კვ   
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
სტატიების გამოწერა
სახელი
ელ-ფოსტა
 
გაზეთები
ახალი თაობა
11x11
იმედი
ქიზიყი
შირაქი
სტუდენტური ნიუს
სარბიელი
თავისუფალი გაზეთი +
საქართველოს რესპუბლიკა
24 საათი
21-ს ქვევით
24 საათი - ბიზნესი
ლელო
24 საათი - დედაქალაქი
7 დღე
ალიონი
ახალი ეპოქა
ახალი 7 დღე
ახალგაზრდა ივერიელი
არილი
ახალი საქართველო
ალტერნატივა
აფხაზეთის ხმა
აქცენტი
ბანკი პლუს
განახლებული ივერია
გურია - news
დიასპორა
დილის გაზეთი
დრო
დრონი
ეკო-დაიჯესტი
ვეჩერნი ტბილისი
თანამემამულე
თბილისი
თბილისის სიახლენი
ივერია - ექსპრესი
იმერეთის მოამბე
იბერია - სპექტრი
კახეთის კარიბჭე
კახეთის ხმა
კავკასიონი
კვირას
კვირის პალიტრა
კვირის პანორამა
ლანჩხუთი პლუს
ლიტერატურული საქართველო
მეანაბრე
მენორა
მეოცე საუკუნე
მერიდიანი 44
მიწის მესაკუთრე
მწვანეყვავილა
ობშეკავკაზსკაია გაზეტა
ოლიმპი
რეზიუმე
საბანკო ბიულეტენი
საგურამო
საქართველო
საქართველოს ებრაელობა
სპორტის სიახლენი
ხალხის გაზეთი
ხვალინდელი დღე
ქართული
ქომაგი
ქუჯი
ცოცხალი
ჯორჯიან თაიმსი
ჯორჯია თუდეი
ჩვენი მწერლობა
ჩოხატაურის მაცნე
ღია ბოქლომი
ცისკარი
შანსი
2000
რეზონანსი
იმედი
საერთო გაზეთი
ახალი ვერსია
ლიტერატურული გაზეთი
Created by EVENS   2010

მთავარი
ჩვენს შესახებ
რჩეული
კონტაქტი