მთავარი
ჩვენს შესახებ
რჩეული
გალერეა
სტატიების RSS
 
სარბიელი
2009-05-03
პეპე: არ ვარ მე ის კაცი!

პეპეს წიხლის ქნევით რინგზე მოჩხუბრები ისე მოხიბლულან, რომ რინგზე საჩხუბრად ეპატიჟებიან.

მსოფლიო ვარსკვლავები 2 მაისს პორტუგალიის ქალაქ მატუზინიუშში იკრიბებიან მორიგი შოუს გასამართად და ამ საქმის ორგანიზატორმა თქვა: "ოფიციალურად ვეპატიჟებით პეპეს, რათა აგრესია რინგზე გამოავლინოს".

ერთ-ერთმა ვარსკვლავმა, მეტსახელად "აისბერგმა", პეპესთან შერკინების სურვილი გამოთქვა.

30 მილიონ ევროიან პორტუგალიელს კი სულ არ ეაისბერგება.

მისი საქციელი არ იყო ის, რასაც ფეხბურთში წესის დარღვევა ჰქვია. ეს ფაქტობრივად კრიმინალია მოედანზე - სხეულის განზრახ დაზიანება დამამძიმებელ გარემოებაში. ამ შემთხვევაში, წაქცეულის წიხლით ცემა.

რა სატანა შეუძვრა პეპეს, ესპანეთის ჩემპიონატის წინა ტურში, ასე რომ გაიმეტა ხეტაფელი ხავიერ კასკერო. ჯერ ხელი ჰკრა და წააქცია, მერე ორჯერ წიხლი ჩააზილა და ვითომ ბოდიშის მოსახდელად მისულმა, ქაცვები ჩააზილა წვივსუკანა კუნთში.

ამით არ დამთავრებულა.

კასკეროს გამოესარჩლა ხუან ალბინი, რომელსაც გაგოს ზურგსამოფარებულმა პეპემ ყბაში წაარტყა.

არც აქ დამთავრებულა.

მოედნიდან გასვლისას მეოთხე მსაჯი გალანძღა და მიუხედავად იმისა, რომ გაძევებული იყო, იგუაინის გოლის მერე მოედანზე საზეიმოდ შევარდა.

პეპეს 10-მატჩიანი დისკვალიფიკაცია გამოუწერეს, რომელიც მომდევნო სეზონში გადაჰყვება. 4 კასკეროს ჩაწიხვლისთვის, 4 ალბინის ცემისთვის, ერთი მსაჯის გალანძღვისთვის და ერთიც წითელი ბარათისთვის.

ამ რიარიაში გაერია "რეალის" ბრაზილიელი მარსელოც, რომელიც ნამატჩევს ხეტაფელებს ენას უყოფდა, ხელს ფეხებშუა იკიდებდა და ცდილობდა, რომ როგორმე მეტოქის ნერვებზე ეთამაშა.

ბრაზილიელემა საქციელისთვის მატჩის შემდეგ პრესკონფერენციაზე მოიბოდიშა და თქვა, რომ კლუბი თუ დასჯის, მართალიც იქნება.

"რვა წელია პროფესიულ ფეხბურთში ვარ და ასეთი საშინელი დღე კარიერაში არ მქონია - დაიჩივლა პეპემ - იმ წუთას რას ვაკეთებდი, თვითონაც არ ვიცი. ისე ძალიან მინდოდა მოგება, რომ ბრძოლაში საკუთარ თავზე კონტროლი დავკარგე. ბოდიშს ვუხდი ყველას.

ეპიზოდი განმეორებით რამდენჯერმე ვნახე, მაგრამ საკუთარი თავი ვერ ვიცანი. იმ წუთას ის ადამიანი მე არ ვიყავი.

პირობას ვდებ, რომ მსგავსი რამ აღარასოდეს განმეორდება. მატჩის შემდეგ ისეთ ხასიათზე ვიყავი, რომ ფეხბურთის თამაშის სურვილიც კი გამიქრა".

პეპემ კასკეროს დაურეკა მოსაბოდიშებლად, მაგრამ ნაცემმა არ უპასუხა და პორტუგალიელმა შეტყობინება დაუტოვა.

ალბათ, ხუან ალბინსაც დაურეკავს, როცა ნომერს გაიგებს.

"ხეტაფეს" პრეზიდენტი ანხელ ტორესი გაცოფებული იყო:

"ყელში ამომივიდა ამ ლაწირაკების თავხედობა! "რეალის" შეფების ადგილზე პეპეს დაუყოვნებლივ გავუშვებდი გუნდიდან. რა არის ეს.! ჯერ ერთი ფეხბურთელი ჩაწიხლა, მეორეს მუშტი ჰკრა, იგუაინის გოლის მერე მოედანზე შემოვარდა და ყველას ნაბიჭვრები გვეძახა.

კიდევ იმ წვინტლიანი მარსელოს საქციელი არ მესმის. შეშლილივით დარბოდა, ხელს იკიდებდა ასოზე და პროვოკატორობდა.

პეპეს და მარსელოს შემხედვარე ბავშვებმა რა უნდა ისწავლონ."

"არ ვიცი რა გადაუბრუდნა თავში პეპეს, მაგრამ ის, რაც მან ჩაიდინა, ყველა საზღვარს სცდება - თქვა ბარსელონელმა ხავიმ -ეს ძალიან სამარცხვინოა. "ბარსელონას" და "რეალის" ფეხბურთელები სამაგალითონი უნდა იყვნენ, ჩვენ კი რას ვხედავთ."

"რეალის" მწვრთნელი ხუანდე რამოსი: "პეპემ გაისიგრძეგანა, რომ საზიზღრად მოიქცა და პირობა დადო, რომ მსგავსი რამ აღარ განმეორდება. ამიტომაც მოითხოვა მედიასთან შეხვედრა და საჯაროდ მოიბოდიშა".

ავტორი: ვაჟა ხუციშვილი


კალენდარი
დეკემბერი  2009
ორშ   
სამ   
ოთხ   
ხუთ   
პარ   
შაბ   
კვ   
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
სტატიების გამოწერა
სახელი
ელ-ფოსტა
 
გაზეთები
ახალი თაობა
11x11
იმედი
ქიზიყი
შირაქი
სტუდენტური ნიუს
სარბიელი
თავისუფალი გაზეთი +
საქართველოს რესპუბლიკა
24 საათი
21-ს ქვევით
24 საათი - ბიზნესი
ლელო
24 საათი - დედაქალაქი
7 დღე
ალიონი
ახალი ეპოქა
ახალი 7 დღე
ახალგაზრდა ივერიელი
არილი
ახალი საქართველო
ალტერნატივა
აფხაზეთის ხმა
აქცენტი
ბანკი პლუს
განახლებული ივერია
გურია - news
დიასპორა
დილის გაზეთი
დრო
დრონი
ეკო-დაიჯესტი
ვეჩერნი ტბილისი
თანამემამულე
თბილისი
თბილისის სიახლენი
ივერია - ექსპრესი
იმერეთის მოამბე
იბერია - სპექტრი
კახეთის კარიბჭე
კახეთის ხმა
კავკასიონი
კვირას
კვირის პალიტრა
კვირის პანორამა
ლანჩხუთი პლუს
ლიტერატურული საქართველო
მეანაბრე
მენორა
მეოცე საუკუნე
მერიდიანი 44
მიწის მესაკუთრე
მწვანეყვავილა
ობშეკავკაზსკაია გაზეტა
ოლიმპი
რეზიუმე
საბანკო ბიულეტენი
საგურამო
საქართველო
საქართველოს ებრაელობა
სპორტის სიახლენი
ხალხის გაზეთი
ხვალინდელი დღე
ქართული
ქომაგი
ქუჯი
ცოცხალი
ჯორჯიან თაიმსი
ჯორჯია თუდეი
ჩვენი მწერლობა
ჩოხატაურის მაცნე
ღია ბოქლომი
ცისკარი
შანსი
2000
რეზონანსი
იმედი
საერთო გაზეთი
ახალი ვერსია
ლიტერატურული გაზეთი
Created by EVENS   2010

მთავარი
ჩვენს შესახებ
რჩეული
კონტაქტი