მთავარი
ჩვენს შესახებ
რჩეული
გალერეა
სტატიების RSS
 
ახალი ვერსია
2002-12-23
ბიორდმა ჰოლიფილდს პენსიისაკენ უბიძგა: კრივის და ბალეტის საერთო თავისებურება

ლას-ვეგასში გამართულ ბრძოლაში კრის ბიორდმა დაამარცხა მსოფლიოს ექსჩემპიონი, ლეგენდარული ევანდერ ჰოლიფილდი და ყველას დაანახა, რომ მისი დრო უკვე წავიდა. თავად ბიორდმა კი ამ გამარჯვებით მძიმე წონაში მსოფლიო ჩემპიონის ტიტული მოიპოვა ტია-ის ვერსიით.

სპორტის ამ სახეობის ექსპერტმა თავის დროზე ენამოსწრებულად აღნიშნა, რომ ყველაზე დიდ ვაჟკაცებს, მოკრივეებს ერთი საერთო აქვთ ყველაზე ნაზ არსებებთან ბალერინებთან: დროზე წასვლა არ იციან. მართლაც, ერთნაირად გულსატკენი საცქერია, როგორ ათახსირებენ რინგზე ერთ დროს კრივის ლეგენდას და როგორ ბატივით დაბაჯბაჯებს მობერებული ბალერინა, რომლის ჰაეროვნება თავის დროზე მაყურებელთა აღტაცებას იწვევდა.

ბიორდის ცეკვა

იშვიათად ხდება, რომ ბრძოლა ისე წარიმართოს, როგორც ამას პროგნოზისტთა თითქმის 100% წინასწარმეტყველებს. ამჯერად კი სწორედ ასე მოხდა. ექსპერტები მშვენივრად ხვდებოდნენ, რომ ჰოლიფილდი ვერაფერს გააწყობდა სწრაფი და მოქნილი ბიორდის წინააღმდეგ. იმასაც ამბობდნენ, რომ კრისი, რომელსაც მსოფლიო კრივის ელიტის წარმომადგენელთა შორის ყველაზე სუსტი დარტყმა აქვს, ჰოლიფილდის ნოკაუტირებას ვერ შეძლებდა. ამიტომაც, ყველაზე რეალური ჩანდა სცენარი, რომლის მიხედვითაც ბიორდს ბრძოლა ქულებით, მიყენებული დარტყმების რაოდენობის ხარჯზე უნდა მოეგო. თანაც, არ იყო გამორიცხული 2-3 რაუნდის წაგება, როცა ჰოლიფილდი მას დაეწეოდა.

თუმცა ყველაფერი მთლად ასე როდი დაიწყო. ბიორდი არცთუ ისე გაურბოდა მეტოქეს და ჰოლიფილდიც მას პირველსი რაუნდში რამდენჯერმე დაეწია და თავისი ძლიერი მარჯვენა კარგად მოსდო. მოკლედ, თავდაპირველად ბრძოლა ევანდერის სასარგებლოდ წარიმართა.

მაგრამ უკვე მეორე რაუნდში ყველაფერი თავის ადგილას დადგა და ასე გაგრძელდა მეხუთეს ჩათვლით. სწრაფი, მაგრამ სუსტი ხელების მქონე ცაცია ბიორდი მოხერხებულად ირიდებდა ჰოლიფილდის მოქნეულს, ხოლო, როცა ევანდერი მას კუთხეში მიიმწყვდევდა, მაშინვე ჩაეკვრებოდა და მშვიდად ელოდა, რეფერი საჭირო მანძილზე როდის დააშორებდა.

ჰოლიფილდის ბაჯბაჯი

ბრძოლის მიმდინარეობისას აშკარა გახდა, რომ ჰოლიფილდი იყენებდა ე.წ. "რაუნდების მოპარვის" ტაქტიკას, რომელმაც 9 წლის წინ მას ჩემპიონის მეორე ტიტული მოუტანა რიდიკ ბოუსთან ჩხუბში. იგი ცდილობდა, რაუნდების დიდი ნაწილი დაცვაში გაეტარებინა, გაეძლო და ბოლო წამებზე აფეთქებულიყო. ასეთ დროს არსებობს შანსი, რომ მსაჯები დაივიწყებენ, თუ რამდენი მოგხვდა და რაუნდს მისი ფინალის შთაბეჭდილებით შენს სასარგებლოდ გადაწყვეტენ. ბოუსთან ბრძოლაში სწორედ ასე მოხდა. მაშინ მოგვიანებითი ანალიზით აშკარა გახდა, რომ რიდიკმა მეტოქეს გაცილებით მეტჯერ, თანაც საკმაოდ ძლიერად დაარტყა, მაგრამ ჰოლიფილდი უპირატესობას რაუნდების ბოლოს ეუფლებოდა და მსაჯებმაც გამარჯვება მას მიაკუთვნეს. მაგრამ ამჯერად მან გაცილებით ნაკლები რაუნდის ბოლოს იჩაუქა და მსაჯებიც ობიექტურები იყვნენ.

ხანდახან ბიორდი ლამის დასცინოდა მასზე ბევრად სუსტ მეტოქეს, ურბენდა მას გარშემო და ხშირად უკანაც მოექცეოდა. თუმცა, აშკარად ეტყობოდა, რომ ბაგირებთან მიმწყვდევის ძალიან ეშინოდა. მეოთხე რაუნდის დასაწყისში ჰოლიფილდმა საწადელს მიაღწია და მეტოქე რინგის კუთხეში მიიმწყვდია, მაგრამ მისი ბაგირებზე მილურსმნვა ვერ შეძლო. იგივე განმეორდა მეექვსეს შუაშიც, მაგრამ ამით მისი წარმატებები დასრულდა და რინგზე ბიორდი გაბატონდა.

ევანდერს კიდევ ერთი შანსი მეთერთმეტე რაუნდის დასაწყისში მიეცა, როცა კრისს დაღლა დაეტყო. ბიორდს მეტოქის რამდენიმე ძლიერი დარტყმა მოხვდა, მაგრამ ძალების მოკრება შეძლო და აშკარა გახდა, რომ უკანასკნელი, მეთორმეტე რაუნდი ჰოლიფილდს ვერაფერს მოუტანდა.

ასეც მოხდა. ბოლო რაუნდში ბიორდს წარმატებაში ეჭვი უკვე აღარ ეპარებოდა და საკუთარი აღმატებულების სრული შეგრძნებით ჩხუბობდა. როგორც კი ბრძოლისათვის განკუთვნილი დრო ამოიწურა, რინგზე მისი ცოლ-შვილი გაჩნდა და მათი ხვევნა-კოცნა საბოლოო შედეგის გამოცხადებას დაემთხვა: ორმა მსაჯმა მოგება კრისს მიაკუთვნა ანგარიშით 117:111, ერთმა კი 116:112.

იმედია, ეს ბრძოლა მაინც მიახვედრებს ჰოლიფილდს, კრივს თავი 40 წლისამ დაანებოს და 70 წლის შესრულებას არ დაელოდოს. თუმცა, ამაზე იგი არაფერს ამბობს და ძირითადად პირველ რაუნდში მხრის დაზიანებაზე ლაპარაკობს. როგორც ჩანს, მან საჭირო დასკვნების გამოტანა ვერ შეძლო და მისი ბაჯბაჯის ცქერა კიდევ მოგვიწევს.

ავტორი: დათო ნოზაძე


კალენდარი
ივნისი  2002
ორშ   
სამ   
ოთხ   
ხუთ   
პარ   
შაბ   
კვ   
 
 
 
 
 
1
2
3
4
5
6
7
8
9
11
12
13
14
15
16
18
19
20
21
22
23
25
26
27
28
29
30
 
 
გაზეთები
ახალი თაობა
11x11
იმედი
ქიზიყი
შირაქი
სტუდენტური ნიუს
სარბიელი
თავისუფალი გაზეთი +
საქართველოს რესპუბლიკა
24 საათი
21-ს ქვევით
24 საათი - ბიზნესი
ლელო
24 საათი - დედაქალაქი
7 დღე
ალიონი
ახალი ეპოქა
ახალი 7 დღე
ახალგაზრდა ივერიელი
არილი
ახალი საქართველო
ალტერნატივა
აფხაზეთის ხმა
აქცენტი
ბანკი პლუს
განახლებული ივერია
გურია - news
დიასპორა
დილის გაზეთი
დრო
დრონი
ეკო-დაიჯესტი
ვეჩერნი ტბილისი
თანამემამულე
თბილისი
თბილისის სიახლენი
ივერია - ექსპრესი
იმერეთის მოამბე
იბერია - სპექტრი
კახეთის კარიბჭე
კახეთის ხმა
კავკასიონი
კვირას
კვირის პალიტრა
კვირის პანორამა
ლანჩხუთი პლუს
ლიტერატურული საქართველო
მეანაბრე
მენორა
მეოცე საუკუნე
მერიდიანი 44
მიწის მესაკუთრე
მწვანეყვავილა
ობშეკავკაზსკაია გაზეტა
ოლიმპი
რეზიუმე
საბანკო ბიულეტენი
საგურამო
საქართველო
საქართველოს ებრაელობა
სპორტის სიახლენი
ხალხის გაზეთი
ხვალინდელი დღე
ქართული
ქომაგი
ქუჯი
ცოცხალი
ჯორჯიან თაიმსი
ჯორჯია თუდეი
ჩვენი მწერლობა
ჩოხატაურის მაცნე
ღია ბოქლომი
ცისკარი
შანსი
2000
რეზონანსი
იმედი
საერთო გაზეთი
ახალი ვერსია
ლიტერატურული გაზეთი
Created by EVENS   2010

მთავარი
ჩვენს შესახებ
რჩეული
კონტაქტი